წლიდან წლამდე მოდის მოყვარულთა აბსოლუტური უმრავლესობა ელის დღეს, როდესაც ვიქტორია სექრეთის ანგელოზები ფრთებს შლიან და ჰაეროვან კოცნებს აგზავნიან პოდიუმიდან. ეს დღე ყოველ წელს ნამდვილ დღესასწაულად იქცევა ხოლმე და მასზე ძალიან დიდხანს საუბრობენ. შოუში თოთხმეტ ანგელოზთან ერთად მოდელები და მომღერლები იღებენ მონაწილეობას.
გვინდა უფრო ახლოს გაგაცნოთ ის თოთხმეტი მოდელი, რომლებიც უკვე უქასთინგოდ ხვდებიან შოუსა თუ კომერციულ ვიდეო რგოლებში, რომლებსაც იწვევენ მაღაზიების გახსნისას და რომლებიც მსოფლიო მაშტაბით ცნობილნი არიან როგორც ვიქტორია სექრეთის ანგელოზები.
1. ადრიანა ლიმა ( Adriana Lima)
ადრიანა ფრანჩესკა ლიმა ბრაზილიელი სუპერმოდელია, რომელიც დაიბადა 1981 წელს ბრაზილიის სამხრეთით მდებარე ქალაქ სალვადორში. ლიმა გაიზარდა დედასთან, გამომდინარე იქიდან, რომ 6 თვის ასაკში მამამ ოჯახი მიატოვა. ის ერთ-ერთ სავაჭრო ცენტრში აღმოაჩინა სამოდელო სააგენტოს წარმომადგენელმა 13 წლის ასაკში და იმ წლებიდან მოყოლებული უკვე აქტიურად ჩაერთო სამოდელო ინდუსტრიაში. 2000 წელს მან ხელი მოაწერა ვიქტორია სექრეთთან კონტრაქტს და მალევე გახდა ოფიციალური ანგელოზი და ყველაზე სექსუალურის მოდელის სტატუსს ამ დღემდე არ თმობს.
ის გადაიღეს ცნობილ ვიდეო რგოლში ბობ დილანთან ერთად, სადაც ადრიანა ფრთებით საოცრად გამოიყურება და პრესა დიდი ხნის განმავლობაში წერდა, რომ მსგავსი რეკლამის დავიწყება თითქმის შეუძლებელია.
2. ალესანდრა ამბროსიო (Alessandra Ambrosio)
ალესანდრა ამბროსიო ბრაზილიელი სუპერმოდელია, იტალიური ფესვებით. დაიბადა 1981 წლის 11 აპრილს. პირველი ნაბიჯები პოდიუმზე მან 12 წლის ასაკში გადადგა, 15 წლისამ კი გაიმარჯვა პოპულარულ კონკურს ელიტ მოდელ ლუქში. ერთ- ერთი სერიოზული მიღწევა კი ჟურნალ ,,Elle''- ს გარეკანი იყო, 2004 წლიდან კი მან ხელი მოაწერა კონტრაქტს ვიქტორიას სექრეთთან. მას არცერთი შოუ არ გამოუტოვებია 2017 წლის ჩათვლით, თუმცა სუპერმოდელმა განაცხადა რომ ის აპირებს წავიდეს ბრენდიდად და დაკავდეს კინო ინდუსტრიით.
3. ბეატი პრინსლუ (BehatiPrinsloo)
ბეატი პრინსლუ ნამიბიელი სუპერმოდელია. ის 1989 წლის 16 მაისს დაიბადა. 2008 წელს გახდა,, Pink'' სეგმენტის პირველი კონტრაქტიანი მოდელი, ხოლო 2009 წელს მიიღო ანგელოზის სტატუსი.
მან გახსნა 2014-15 წლის შოუები, თუმცა 2016-2017 წლები გამოტოვა ორსულობების გამო.
4. ქენდის სვეინპული ( Candice Swanepoel)
ქენდისი სამხრეთ აფრიკელი ტოპ მოდელი და ფილანტროპისიტია. დაიბადა 1988 წლის 20 ოქტომბერს და 2003 წლიდან პოდიუმზეა, თუმცა განსაკუთრებული წარმატება მასაც ანგელოზის სტატუსმა მოუტანა. ფორბსის ინფორმაციით, ის ყველაზე მაღალანაზღაურებად მოდელებს შორის მერვე ადგილს იკავებს. ის 2007 წლიდან იღებს მონაწილეობას ვიქტორია სეკრეტის შოუებში, თუმცა კონტრაქტიანი ანგელოზი 2010 წელს გახდა. მან 2013 წელს გახსნა პირველად შოუ, სადაც საოცნებო ბიუსჰალტერი მოირგო, მეორედ კი 2017 წელს. მალევე გავრცელდა ინფორმაცია რომ ის მეორე ბავშვს ელოდება და მიუხედავად ორსულობისა არაჩვეულებრივად იწონებდა თავს პოდიუმზე.
5. ელსა ჰოსკი (Elsa Hosk)
ელსა ანა სოფი ჰოსკი შვედი ტოპ მოდელია, რომელიც დაიბადა 1988 წლის 7 ნოემბერს. გარდა სამოდელო კარიერისა, ის პროფესიონალურ დონეზე თამაშობს კალათბურთს და შვედეთის ქალთა ნაკრებშიც ირიცხება. ის 2011 წლიდან იღებს მონაწილეობას ვიქტორია სექრეთის შოუებში, თუმცა ოფიციალური ანგელოზი 2015 წელს გახდა.ხოლო 2016 წელს მას ერგო პატივი გაეხსნა გრანდიოზული შოუ, რომელიც ჩატარდა პარიზში.
