ბლოგები

მელანია ტრამპი ამერიკის შეერთებული შტატების 45-ე პრეზიდენტის დონალდ ტრამპის მეუღლე და ქვეყნის პირველი ლედია. წარმოშობით სლოვენიელი, ყოფილი მოდელი, დაიბადა 1970 წლის 26 აპრილს. მელანია კნაუსი საკმაოდ წარმატებული მოდელი იყო, პოდიუმზე პირველად 16 წლის ასაკში გამოჩნდა და ბევრი ცნობილი ბრენდის ჩვენებაშიც მიიღო მონაწილეობა, ასევე  აქტიურად პოზირებდა ცნობილი ჟურნალებისთვისაც.

1999 წელს ნიუ იორკში გამართულ მოდის კვირეულზე მელანიამ გაიცნო დონალდ ტრამპი, რომელიც იმ პერიოდში საკმაოდ აქტიურად იყო ჩართული სამოდელო ბიზნესში და პრესტიჟულ კონკურსს ,,მის სამყაროს'' ხელმძღვანელობდა.

2005 წლის იანვარს შედგა მათი გრანდიოზული ქორწილი, რომელზეც ძალიან დიდ ხანს საუბრობდნენ. პატარძალს Dior-ის ექსკლუზიურად შექმნილი 200 000 დოლარიანი კაბა ეცვა, ტორტი კი, რომელიც 50 000 დოლარი დაჯდა ერთგვარ რელიქვიად იქცა და ამ შოკოლადის ტორტის ერთი ნაჭერი , რომელიც შეფუთულია და მასზე პრეზიდენტისა და პირველი ლედის ინიციალებია დატანილი 2 000 დოლარად შეფასდა. 2006 წელს მელანიას და დონლდს  შეეძინათ ვაჟი- ბარონ უილიამ ტრამპი.

გაპირველლედებისთანავე მელანიას სტატუსს საკმაოდ დიდი სკანდალიც მოყვა. დონალდ ტრამპის პირველი მეუღლე ივანა ტრამპი აცხადებდა, რომ რადგან ის ტრამპის პირველი მეუღლე და მისი სამი შვილის დედაცაა, პირველი ლედის სტატუსიც სწორედ მისი უნდა ყოფილიყო, თუმცა ოფიციალურმა მხარემ ეს ერთგვარ პიარ კამპანიად ჩათვალა ივანას მხრიდან, თავისი საავტორო წიგნის გაყიდვების გასაზრდელად.

საბოლოოდ კი, 2017 წლის 20 იანვარს, მელანია გახდა მეორე  პირველი ლედი ამერიკის ისტორიაში, რომელიც არ არის დაბადებული ამერიკაში , მაგრამ ატარებს ამ სტატუსს.

მელანიას დღევანდელი საქმიანობა მოიცავს მაჯის საათების და საიუველირო ნაკეთობების დიზაინს, ხოლო როგორც პირველი ლედი, აქტიურადაა ჩართული ბავშვთა უფლებების დაცვასა და მათი ცხოვრების ხარისხის გაუმჯობესებაში.

რაც შეეხება მელანიას ჩაცმის სტილს, ის ერთნ-  ერთი ყველაზე გემოვნებიანი პირველი ლედია მსოფლიო მაშტაბით. ანიჭებს ისეთ ცნობილ ბრენდებს უპირატესობას ,როგორიცაა დოლჩე & გაბანა, რალფ ლოურენი, ჯიმი ჩუ და სხვა... გთავაზობთ, მელანიას ინაუგურაციის, საშობაო წვეულების და ოფიციალური შეხვედრების დროს გადაღებულ ფოტოებს და დარწმუნებული ვარ თქვენც დამეთანხმებით, რომ მას მშვენიერი გემოვნება აქვს

ამ პოსტში მინდა  2018 წლის ნიუ იორკის მოდის კვირეულის   გამორჩეული ლუქები გაჩვენოთ თითოეული მონაწილე დიზაინერისგან. დაინტერესების შემთხვევაში კი თავადაც შეგიძლიათ მოიძიოთ სრული კოლექციები, რომელიც ვოგის ოფიციალურ საიტზეა ატვირთული.

1.Carolina Herrera 

2. Claudia Li 

 3. Libertine

 4.  Area

5. Anna Sui 

 6) The Row

7) Khaite 

8)  Bevza 

9) Marisa Webb

10) Zadig&Voltaire 

1. ადრიანა ლიმა ( Adriana Lima)

ადრიანა ფრანჩესკა ლიმა ბრაზილიელი სუპერმოდელია, რომელიც დაიბადა 1981 წელს ბრაზილიის სამხრეთით მდებარე ქალაქ სალვადორში. ლიმა გაიზარდა დედასთან, რადგან  6 თვის ასაკში მამამ ოჯახი მიატოვა. ის ერთ-ერთ სავაჭრო ცენტრში აღმოაჩინა სამოდელო სააგენტოს წარმომადგენელმა 13 წლის ასაკში რომლის შემდეგაც აქტიურად ჩაერთო სამოდელო ინდუსტრიაში. 2000 წელს მან ხელი მოაწერა ვიქტორია სექრეთთან კონტრაქტს და მალევე გახდა ოფიციალური ანგელოზი და ყველაზე სექსუალურის მოდელის სტატუსს ამ დღემდე არ თმობს.
ადრიანა  გადაიღეს ცნობილ ვიდეო რგოლში ბობ დილანთან ერთად, სადაც იგი ფრთებით საოცრად გამოიყურება, ის გადაიღეს ცნობილ ვიდეო რგოლში ბობ დილანთან ერთად, სადაც ადრიანა ფრთებით საოცრად გამოიყურება და პრესა დიდი ხნის განმავლობაში წერდა, რომ მსგავსი რეკლამის დავიწყება თითქმის შეუძლებელია. 

2. ალესანდრა ამბროსიო (Alessandra Ambrosio)

ალესანდრა ამბროსიო ბრაზილიელი სუპერმოდელია, იტალიური ფესვებით. დაიბადა 1981 წლის 11 აპრილს. პირველი ნაბიჯები პოდიუმზე მან 12 წლის ასაკში გადადგა, 15 წლისამ კი გაიმარჯვა პოპულარულ კონკურს ელიტ მოდელ ლუქში. ერთ - ერთი სერიოზული მიღწევა კი ჟურნალ ,,Elle''- ს გარეკანი იყო, 2004 წლიდან კი მან ხელი მოაწერა კონტრაქტს ვიქტორია სექრეთთან. მას არც ერთი შოუ არ გამოუტოვებია 2017 წლის ჩათვლით, თუმცა სუპერმოდელმა განაცხადა რომ ის აპირებს წავიდეს ბრენდიდად და დაკავდეს კინო ინდუსტრიით. 

3. ბეატი პრინსლუ (Behati Prinsloo)

ბეატი პრინსლუ ნამიბიელი სუპერმოდელია. ის 1989 წლის 16 მაისს დაიბადა. 2008 წელს გახდა,, Pink'' სეგმენტის პირველი კონტრაქტიანი მოდელი, ხოლო 2009 წელს მიიღო ანგელოზის სტატუსი. მან გახსნა 2014-15 წლის შოუები, თუმცა 2016-2017 წლები გამოტოვა ორსულობების გამო. 

 4. ქენდის სვეინპული ( Candice Swanepoel)

ქენდისი სამხრეთ აფრიკელი ტოპ მოდელი და ფილანტროპისიტია. დაიბადა 1988 წლის 20 ოქტომბერს და 2003 წლიდან პოდიუმზეა, თუმცა განსაკუთრებული წარმატება მასაც ანგელოზის სტატუსმა მოუტანა. ფორბსის ინფორმაციით, ის ყველაზე მაღალანაზღაურებად მოდელებს შორის მერვე ადგილს იკავებს. ის 2007 წლიდან იღებს მონაწილეობას ვიქტორია სეკრეტის შოუებში, თუმცა კონტრაქტიანი ანგელოზი 2010 წელს გახდა. მან 2013 წელს გახსნა პირველად შოუ, სადაც საოცნებო ბიუსჰალტერი მოირგო, მეორედ კი 2017 წელს. მალევე გავრცელდა ინფორმაცია რომ ქენდისი მეორე ბავშვს ელოდება და მიუხედავად ორსულობისა მაინც არაჩვეულებრივად იწონებდა თავს პოდიუმზე.

5. ელსა ჰოსკი (Elsa Hosk)

ელსა ანა სოფი ჰოსკი შვედი ტოპ მოდელია, რომელიც დაიბადა 1988 წლის 7 ნოემბერს. გარდა სამოდელო კარიერისა, ის პროფესიონალურ დონეზე თამაშობს კალათბურთს და შვედეთის ქალთა ნაკრებშიც ირიცხება. ის 2011 წლიდან იღებს მონაწილეობას ვიქტორია სექრეთის შოუებში, თუმცა ოფიციალური ანგელოზი 2015 წელს გახდა, 2016 წელს კი მას ერგო პატივი გაეხსნა გრანდიოზული შოუ, რომელიც ჩატარდა პარიზში. 

6.ლილი ოლდრიჯი (Lily Aldridge)

ლილი მაუდ ოლდრიჯი ამერიკელი მოდელია, რომელიც დაიბადა 1985 წლის 15 ნოემბერს სანტა მონიკა, კალიფორნიაში. ის მოდის ინდუსტრიაში 2003 წლიდან ჩაერთო და 17 წლის ასაკში უკვე ვოგის გარეკანისთვის გადაიღეს, რასაც ავტომატურად მოჰყვა სწრაფი  ტემპით მზარდი კარიერა. 2009 წელს მან პირველად გაიარა ვიქტორია სექრეთის შოუზე, ხოლო 2010 ში პირველად მოირგო ფრთებთან ერთად ანგელოზის სტატუსიც. მას შემდეგ მას არცერთი ჩვენება და კამპანია არ გამოუტოვებია. გარდა ამისა მან 2015 წელს მოირგო საოცნებო Fantasy Bra, რომელიც 2 მილიონ დოლარად იყო შეფასებული.

7. ჟასმინ ტუკსი (Jasmine Tookes)

ჟასმინ ტუკსი დაიბადა 1991 წლის 1 თებერვალს კალიფორნიაში. ის ერთ- ერთი წარმატებული ამერიკელი მოდელი და ვიქტორია სექრეთის ანგელოზია.  2012 წელს შეუერთდა სექრეთის მოდელებს და 2015 წელს ანგელოზის სტატუსიც მიიღო. ასევე მან მოირგო 2016 წელს პარიზში გამართულ გრანდიოზულ ჩვენებაზე Fantasy Bra, რომელიც 3 მილიო დოლარად შეფასდა. ჟასმინი აქტიურადაა ჩართული მაღალი მოდის ინდუსტრიაში და ფორბსის 2016 წლის მონაცემებით ის მეჩვიდმეტეა ყველაზე მაღალანაზღაურებად მოდელებს შორის და მისმა წლიურმა შემოსავალმა 4 მილიონ დოლარს გადააჭარბა. 

8. მართა ჰანთი (Martha Hunt)

მართა სეიფერთ ჰანთი ამერიკელი სუპერმოდელია ჩრდილოეთ კაროლინიდან. დაიბადა 1989 წლის 27 აპრილს. ის აქტიურადაა ჩართული მაღალი მოდის ინდუსტრიაში და გავლილი აქვს დაახლოებით 180 -ზე მეტ ჩვენებაზე ისეთი ბრენდების, როგორიცაა ვერსაჩე, არმანი, მიუ-მიუ და ა.შ.მან ვიქტორია სექრეთის პოდიუმზე პირველად  2013 წელს გაიარა, ხოლო ანგელოზის სტატუსი 2015 წელს მიიღო. 

9. ჟოზეფინა სკრივერი (Josephine Skriver)

ჟოსეფინა სკრივერ - კარლსენი დანიელი სუპერ მოდელია, რომელიც დაიბადა კოპენჰაგენში 1993 წლის 14 აპრილს. ის მხოლოდ 24 წლისაა, თუმცა უკვე გავლილი აქვს 300 -ზე მეტ ჩვენებაზე. 2013 წლიდან შეუერთდა ვიქტორია სექრეთის გუნდს, ხოლო 2016 წელს ოფიციალურად გახდა ბრენდის კონტრაქტიანი ანგელოზი .

10. რომი სტრაიდი (Romee Strijd)

რომი სტრაიდი ჰოლანდიელი მოდელია. დაიბადა 19 ივლისს, 1995 წელს. მიუხედავად იმისა, რომ მხოლოდ 22 წლისაა, ის უკვე გადაიღეს გერმანული, იტალიური, ბრიტანული და ჰოლანდიური ვოგის გარეკანისთვის. 2015 წელს კი გახდა კონტრაქტიანი ანგელოზი.

11. სტელა მაქსველი (Stella Maxwell)

სტელა მაქსველი ბრიტანელი მოდელია, ბელგიური ფესვებით. დაიბადა ბრიუსელში 1990 წლის 15 მაისს. 2015 წლიდან გახდა ანგელოზი. ასევე წარმოადგენს მაქს ფაქტორის ბრენდის სახეს.

12. ტეილორ ჰილი ( Taylor Hill)

ტეილორ მარი ჰილი ამერიკელი მოდელია, დაიბადა 1996 წლის 5 მარტს ილინოისში. ის 2015 წელს ,,წლის მოდელად'' დაასახელეს. ფორბსის ცნობით მეჩვიდმეტე ადგილს იკავებს წლის ყველაზე მაღალანაზღაურებად მოდელებს შორის და 4 მილიონ დოლარს გამოიმუშავებს. 2015 წლიდან ატარებს ანგელოზის სტატუსს. 2016 წელს გახდა ლანკომეს ბრენდის სახე. 

13. სარა სამპაიო (Sara Sampaio)

სარა პინტო სამპაიო პორტუგალიელი მოდელი და მსახიობია, რომელიც დაიბადა 1991 წლის 21 ივლისს. ის წარმოადგენს როგორც ვიქთორია სექრეთს, ასევე ქალცედონიას. მიუხედავად იმისა, რომ ის არც ისე მაღალია და მხოლოდ 172 სანტიმეტრია, ამან ხელი ვერ შეუშალა ხალხის სიმპატიის მოპოვებაში და ანგელოზებს შორის მეოთხეა პოპულარობით, ადრიანა ლიმას, ალესანდრა ამბროსიოს და ქენდის სვეინპულის შემდეგ. გარდა ამისა, ის სოციალური მედიის ვარსკვლავიცაა და მას დაახლოებით 10 მილიონი გამომწერი ჰყავს. 

14. ლაის რიბეირო (Lais Ribeiro)

ლაის რიბეირო ბრაზილიელი მოდელია, რომელიც დაიბადა 1990 წლის 5 ოქტომბერს. 2010 წლიდან მონაწილეობას იღებს ვიქტორია სექრეთის შოუებში. 2011 და 2012 წელს გადაიღეს კომერციულ საშობაო და ვალენტინობის დღესასწაულებთან დაკავშირებით გამოსულ ვიდეო რგოლებშიც. 2015 წელს გახდა კონტრაქტიანი ანგელოზი. 2017 წლის შოუზე კი რომელიც შანხაიში გაიმართა, მოირგო Fantasy Bra, რომელიც 2 მილიონ დოლარად შეფასდა და გაწყობილი იყო 6 000 ყვითელი მარგალიტით და 18 კარატი ოქროთი.

ალბათ ყველასთვის ცნობილია რომ ვოგის ყდისათვის ფოტოსესია ნებისმიერი მოდელისა თუ წარმატებული ადამიანისთვის ნამდვილი ოცნებაა, რადგან ეს ავტომატურად უდრის გაზრდილ პოპულარობასა და ავტორიტეტს. მაგრამ ეს ყოველთვის ასე არ იყო ჟურნალისთვის რომელმაც 150 წლის იუბილე აღნიშნა 2017 წელს აღნიშნა რადგან 1932 წლამდე ვოგის გარეკანზე ილუსტრაციები თუ ნახატები იბეჭდებოდა მხოლოდ 1932 წელს გამოქვეყნდა მის გარეკანზე პირველი ფოტოსურათი.

1916 წლიდან ვოგმა ინგლისში დაიწყო აქტიური გაყიდვები, 1920 წლიდან კი საფრანგეთში და მალევე დაიმსახურა განსაკუთრებული ყურადღება.

როგორც ვიცით ჟურნალს გამომცემლობა Conde Nast ( კონდე ნასტი) თვრამეტ ქვეყანაში გამოსცემს. ფრანგული, ბრიტანული, იტალიური, გერმანული და რუსული ვერსიები ძალიან დიდი პოპულარობით სარგებლობს, თუმცა ამერიკული ვერსია, რომელსაც ბრიტანელი ვინტური ხელმძღვანელობს- უკონკურენტოა და მას მოდის ბიბლიადაც მოიხსენიებენ. ვოგი ყოველთვიური გამოცემაა, რომელიც ფოტოსესიებში იყენებს როგორც ცნობილ, სახელგანთქმულ მლდელებს, ასევე ახალბედებსაც. გარდა ამისა ფრანგული ვოგი წელიწადში ორჯერ ცნობილ ადამიანებსაც უთმობს გარეკანს , ამერიკულისგან განსხვავებით, სადაც 10 ყდას ცნობილი ადამიანები იკავენებ, ორს კი მოდელები.

Speakers

გასული წლის ყველაზე განხილვადი ქორწილი კორტების დედოფლისა და ერთეულთა თანრიგის პირველი ნომრის სერენა უილიამსისა და ამერიკელი ბიზნესმენის და პორტალ Reddit -ის ერთ-ერთი დამფუძნებლის ალექსის ოჰანიანის ქორწილი იყო, რომელმაც მსოფლიო აალაპარაკა.საქორწინო ცერემონია ნიუ ორლეანში 16 ნოემბერს შედგა, რომელსაც 250 სტუმარი და მათ შორის უამრავი ცნობილი სახე ესწრებოდა.თუმცა დღის გამორჩეული ვარსკვლავი, რაღა თქმა უნდა, წყვილის ორი თვის ქალიშვილი ალექსის ოლიმპია იყო.რაც შეეხება ჩოგბურთელს, მის საქორწინო კაბაზე სარა ბერტონმა იზრუნა, რომელიც ,,Alexander McQueen'' -ის ბრენდის დიზაინერია.​ქორწილის ექსკლუზიურ მასალაზე წვდომა, რაღა თქმა უნდა, ვოგს მიენიჭა და ახალ ნომერში, რომლის გარეკანზეც ჩოგბურთელი გოგონასთან ერთადაა გადაღებული, უკვე გამოვიდა.​ქორწილის საერთო ღირებულებამ მილიონ დოლარს გადააჭარბა, თუმცა მსგავსი დღესასწაულის შესაქმნელად ფულის დაზოგვა რა საკადრისია.გავრცელებული ინფორმაციით, ჩოგბურთელი კორტებზე დაბრუნებას უახლოეს მომავალში აპირებს. დარწმუნებული ვარ, ეს ინფორმაცია ძალიან ახარებს მის ერთგულ გულშემატკივარს, რომელიც მას მოუთმენლად ელის.

სტელა იორკის არაჩვეულებრივი საქორწილო კაბები უკვე შემოგთავაზეთ, ახლა კი გვინდა საღამოს კაბები გაგიზიაროთ, რომლებიც იდეალურია როგორც ქორწილში ჩასაცმელად მეჯვარეებისათვის და სტუმრებისთვის, ასევე ნებისმიერი კორპორატიული საღამოსა და სკოლის დასრულების აღსანიშნი ბანკეტისათვის.სტელას კაბები არის სადა და სწორედ ამ სისადავით იგებს სხვა მოდელებთან შედარებით. ფერები ყოველთვის დაბალანსებული და შეხამებულია გარემოსთან.ეს კაბები საუკეთესო გადაწყვეტილებაა ნებისმიერი მნიშვნელოვანი წვეულებისათვის.

სტელა იორკი ერთერთი საუკეთესო ავსტრალიელი დიზაინერია , რომელიც საქორწილო კაბების მრავალფეროვან და საინტერესო მოდელებს გვთავაზობს. მისი კაბები შექმნილია გიპიურის, წიულის, აბრეშუმის, სხვადასხვა სახის თვლებისა და ბისერების კომბინაციით და ერგება ყველა გემოვნების ადამიანს, დაწყებული პრინცესული და დამთავრებული სექსუალური მოდელებით. სტელა იორკის კაბები შესაძლოა არ იყოს განსაკუთრებულად ავანგარდული ან ექსტრავაგანტული, თუმცა შემოთავაზებული მოდელები ნებიემიერი პატარძლის საოცნებო ქორწილს კიდევ უფრო ლამაზს, ნაზს, ჰაეროვანს და ზღაპრულს გახდის. კაბები არ არის მოსაწყენი, ერთნაირი ჭრილით და უშველებელი შლეიფით, თუმცა ნამდვილადაა ყველა ზომის და წონის ადამიანისთვის განკუთვნილი. გარდა ამისა სტელა იორკი გვთავაზობს მეჯვარეებისთვის განკუთვნილი საღამოს და საფოტოსესიო კაბებს, რომელიც ასევე ნებისმიერ წვეულებას , კორპორატიულ საღამოსა თუ ბანკეტს მოუხდება. ამ პოსტში წარმოგიდგებთ საუკეთესო საქორწილო კაბებს, რომელთაგანაც დარწმუნებული ვარ ჩვენი მკითხველი აუცილებლად იპოვის ,,საკუთარს'' და რომელსაც ჩაიცვამს ცხოვრების ერთერთ უმნიშვნელოვანეს დღეს, საკუთარ ქორწილში !

დიდი ხანს  ვფიქრობდი, როგორ დავწერდი პოსტს, რომელიც მიეძღვნებოდა დიზაინერს, რომელმაც მოდა და მოდის სამყარი თავისი პლიუს-მინუსებით გამაცნო და შემაყვარა. არავინ ყიფილა მასზე მნიშვნელოვანი ჩემთვის მოდის სამყაროში. არავინ დაბადებულა მასზე ჰუმანური და არავის ყვარებია ქალი, ქალის სილუეტი ისე, როგორც აზადინ ალაიას უყვარდა. ყველაზე გულწრფელად და ყველაზე ძლიერ. მას ჰქონდა ნიჭი ქალი ქალღმერთად ექცია, დედოფლად, რომელსაც საკუთარი თავის სჯეროდა , სექსუალობა და ფრანგული დახვეწილობა კი მისი განსაკუთრებული ხელწერაა.

აზადინ ალაია დაიბადა 26 თებერვალს, 1940 წელს ტუნისში. სწორედ იქვე დაამთავრა ხელოვნებისა და კულტურის სკოლა სადაც ქანდაკება შეისწავლა, თუმცა იგი ალაიას ინტერესის სფერო არ ყოფილა,  ეს ცოდნა მაინც  იგრძნობა მის ფანქარისებურ, გამოყვანილ სილუეტებში, რომელიც ქალის სხეულს უნაკლოდ გამოკვეთს. 

1957 წელს გადადის პარიზში და იწყებს დიორის სახლში მუშაობას, მაგრამ პარალელურად მალევე იჩენს პირად, ინკოგნიტო კლიენტებს. შემდგომ მუშაობას იწყებს Guy Laroche-სთან და Thierry Mugler-თან და 1970 წლიდან ხსნის საკუთარ პატარა ატელიე- აპარტამენს.

1980 წელს აზადინმა წარმოადგინა პირველი კოლექცია და გამართა ჩვენება Park-Royal Marais-ში. მისი კოლექცია დიდი წარმატებით იყიდებოდა იმდროინდელ ცნობილ უნივერმაგებში და დიდი პოპულარობითაც სარგებლობდა, სწორედ ეს გახდა რვა წლის შემდგომ მისი საკუთარი მაღაზიების გახსნის წინაპირობა, რომლებიც პარიზსა და ნიუ იორკში მდებარეობს.

1984 წელს მან მიიღო საპატიო ჯილდო წლის საუკეთესო დიზაინერის და წლის საუკეთესო კოლექციის ნომინაციაში. ჯილდო მას პირადად საფრანგეთის კულტურის მინისტრმა გადასცა. ხოლო მეორე წელს ალაიამ ფრანგული რევოლუციის 200 წლის თავის აღსაღნიშნად შექმნა კაბა ლურჯი, თეთრის და წითლის კომბინაცით. ალბათ, ამის შემდეგ არავის გაუჩნდება კითხვა, თუ რატომ უყვართ და რატომ სცემენ ალაიას ფრანგები პატივს. პასუხი მარტივია: ალაიას თავად უყვარდა საფრანგეთი და ფრანგი ხალხი განსაკუთრებულად  დის გარდაცვალების შემდეგ.

1992 წლიდან ალაიამ შემოქმედებითი პაუზა აიღო და მხოლოდ ექსკლუზიურ კლიენტებს უქმნიდა სამოსს. პაუზა 2000 წელს დასრულდა, მან "Prada'' Group -თან თანამშრომლობით გაგრძელა საქმიანობა თუმცა პრადასთან თანამშრომლობის შემდეგ მან სრულ თავისუფლებას მიაღწია, იყო თავის თავის ბატონი, ყველაზე ძლიერი დიზაინერი, დამოუკიდებელი, ყოველგვარი ინვესტორების და ვოგის გარეკანების გარეშე. ალაიას კოლექციები ყოველთვის იყო დახვეწილი და სექსუალური- სიშიშვლის აფიშირების გარეშე. 

2007 წლიდან ალაიას ბრენდი იწყებს ფეხსაცმლის და ჩანთების გამოშვებას.

2013 წლიდან Beaute Prestige International-თან გაფორმდა ხელშეკრულება და გაყიდვაში გამოვიდა პარფიუმი- Azzedine Alaia.

აზადინ ალაიას სამოსის ატარებს ძალიან ბევრი ცნობილი ადამიანი.მიშელ ობამა მისი რეგულარული კლიენტი იყო და სწორედ მისი შექმნილი კაბა ეცვა მას Nato-ს ოფიციალურ საღამოზე სტრასბურგში 2009 წლის 3 აპრილს. ასევე მას ეცვა ალაია American Ballet Theatre's გახსნაზე ნიუ იორკში.2017 წლის 30 ივლისს მოდის გენია პარიზში 77 წლის ასაკში გარდაიცვალა და ალბათ ყველა მისი ერთგული გულშემატკივრის გულის ნაწილიც წაიღო. განსაკუთრებით მძიმე გადასატანი მისი სიკვდილი ნაომი ქემბელისთვის იყო, რადგან მათ ძალიან ახლო, მამა- შვილური ურთიერთობა ჰქონდათ იმ დროიდან დაწყებული, როცა ნაომი ინგლისადან ახალი ჩასული იყო საფრანგეთში, მაშინ მას არავინ იცნობდა ალაიამ გაუღო საკუთარი სახლის კარი და მისი მუზაც გახდა. აზადინს ნაომი ''Papa''-ს ეძახდა, ხოლო ალაია ნაომის '' Ma Fille''-ს.

აზადინის მსგავსი დიზაინერები მილიონში ერთნი იბადებიან და კიდევ უფრო იშვიათია დიზაინერი ჰუმანურობის უმაღლესი გამოვლინებით. იმედი მაქვს, რომ ცოტათი მაინც შევძელი თქვენთვის ეს დიდებული დიზაინერი გამეცნო. ძალიან გამიხარდება თუ მისი კოლექციების სხვა ფოტოებსაც მოიძიებთ და ისე შეიყვარებთ   როგორც მე მიყვარს იგი. მიყვარს კი არა, ვაღმერთებ !