ხილის ჩაის საიდუმლო ქართულმა ბუნებამ თავად გაგვიზიარა. ოდითგანვე ქართული ხილი დახვეწილი და განსაკუთრებული გემოთი გამოირჩევა. გურიელი ხილის ჩაის თითოეულ ფინჯანში თქვენ აღმოაჩენთ კოლხეთის დაბლობზე, ქართულ სუბტროპიკებში მოყვანილ ქარვისფერ ციტრუსს, სამხრეთ კავკასიონის კალთებზე მოსულ სურნელოვან კენკრას, ქართლ–კახეთის ბარაქიან ბაღებში დაკრეფილ ბადაგივით ტკბილ ხილს.
პირველი ქართული ბრენდირებული "გურიელი ხილის ჩაი" სამ სახეობას გთავაზობთ, ესენია ქართული კენკრა, ქართული ტყის ხილი და ქართული სუბტროპიკი. ამ ხაზის შესაქმნელად ჩვენ დასავლეთის რეგიონის ჩაის პლანტაციებს გავცდით და სრულიად საქართველოს მასშტაბით საუკეთესო გემოსა და სასარგებლო თვისებების მქონე ხილის ძიება დავიწყეთ. ჩვენი დასაყენებელი ხილის ჩაი უნიკალურია, რადგან ის საქართველოს სხვადასხვა რეგიონში, ეკოლოგიურად სუფთა გარემოსა და ველურ პირობებში დაკრეფილი, ვიტამინებით გამდიდრებული ქართული ხილის ჩირის ნაჭრებისგან შესდგება. "გურიელი ხილის ჩაის" უნიკალური რეცეპტურითაა შექმნილი, სულ რაღაც ხუთი წუთით დაასხით ხილის ნაჭრებს ადუღებული წყალი და თქვენ გამორჩეული სურნელოვნების, ინტენსიური ფერისა და განუმეორებელი გემოს სასმელს მიიღებთ, რომელიც C, B2, K, P და A ვიტამინებითაა გამდიდრებული.