ალბათ, ბავშვობაში გოგონათა სრული უმრავლესობა ოცნებობდა თეთრ რაშზე ამხედრებულ პრინცსა და თავზე დადგმულ მარგალიტებითა და ზურმუხტებით გაწყობილ გვირგვინზე, ნაირ-ნაირ ცისარტყელისფერ პრინცესულ კაბებსა და თორმეტ საათამდე პრინცთან ერთად ნაცეკვ ვალსზე. მიუხედავად იმისა, რომ ოცდამეერთე საუკუნეში ძალიან რთულია იპოვნო ნამდვილი პრინცი, ქეით მიდლტონს ეს ბედნიერება წმიდა ანდრეუს უნივერსიტეტში სწავლისას დაატყდა თავს , სადაც მან პრინცი უილიამი გაიცნო, რომელიც ამავე უნივერსიტეტში სწავლობდა. ისინი 2011 წლის 29 აპრილს დაქორწინდნენ და დღემდე ბედნიერად ცხოვრობენ შვილებთან: ჯორჯთან და შარლოტთან ერთად. აპრილში კი ისინი და მათთან ერთად მთელი ქვეყანაც, მესამე ბავშვის ელოდებიან.
9 იანვარს კემბრიჯის ჰერცოგინია ქეითს 36 წელი შეუსრულდა. გავრცელებული ინფორმაციით, მან ეს დღე ოჯახის წევრებთან ერთად გაატარა, ყოველგვარი ცერემონიებისა და გრანდიოზული წვეულებების გარეშე.
მიუხედავად იმისა, რომ ქეითი ორი შვილის დედაა და მესამეს ელოდება, მის გარეგნობასა და ფიგურაზე ამან ვერანაირად იმოქმედა, ის არაჩვეულებრივ ფორმაშია.
ავტორიტეტულმა გამოცემამ Harpers Bazaar-მა (www.harpersbazaar.com) პრინცესას დაბადების დღისადმი მიძღვნილ სტატიაში გამოაქვეყნა ყველა ის ლუქი, რომლითაც ის საზოგადოების წინაშე წარსდგა ბოლო წლის განმავლობაში. ჩვენც წარმოგიდგენთ რამდენიმე მათგანს და შეგიძლიათ თავად იმსჯელოთ და შეაფასოთ, როგორ სტილს და რომელ დიზაინერებს ანიჭებს ქეით მიდლტონი უპირატესობას და აქვე, გაგვიზიარეთ რომელია თქვენი ფავორიტი მათგან.
ან მე არ მივარგა გემოვნება მაგრამ ნუ დიდი გუნდი მუშაობს სავარაუდოდ მის იმიჯზე, ევროპული სამეფო ოჯახების პრინცესებზეც საინტერესო იქნებოდა ისე მსგავსი პოსტი :)