ვოგის ყდისათვის ფოტოსესია ნებისმიერი მოდელისა თუ წარმატებული ადამიანისთვის ნამდვილი ოცნებაა, რადგან ეს ავტომატურად უდრის გაზრდილ პოპულარობასა და ავტორიტეტს.

ჟურნალმა 150 წლის იუბილე აღნიშნა, ასეთი მნიშნელოვანი გარეკანი კი სამგზის ოსკაროსანმა მსახიობმა მერილ სტრიპმა დაამშვენა. შედგა ,,ეშმაკების'' ისტორიული შეხვედრაც ვოგის ოფისში, მსახიობი თავად ესტუმრა ამერიკული ვოგის მთავარ რედაქტორ ანა ვინტურს. ალბათ, ყველას გახსოვთ, რომ ფილმში ,,ეშმაკი ატარებს პრადას'' სწორედ მერილ სტრიპი განასახიერებს მირანდა პრისლის, რომელიც არც მეტი და არც ნაკლები, თვით ანა ვინტურის პროტოტიპია.

როგორც გავრცელებული ვიდეო რგოლიდან ირკვევა, მსახიობმა და რედაქტორმა ისაუბრეს ფილმებზე, ჰარვი ვაინშტაინის სკანდალსა და მსახიობის შემოქმედებაზე.

ჟურნალს გამომცემლობა Conde Nast ( კონდე ნასტი) თვრამეტ ქვეყანაში გამოსცემს. ფრანგული, ბრიტანული, იტალიური, გერმანული და რუსული ვერსიები ძალიან დიდი პოპულარობით სარგებლობს, თუმცა ამერიკული ვერსია, რომელსაც ბრიტანელი ვინტური ხელმძღვანელობს- უკონკურენტოა და მას მოდის ბიბლიადაც მოიხსენიებენ.

ვოგი ყოველთვიური გამოცემაა, რომელიც ფოტოსესიებში იყენებს როგორც ცნობილ, სახელგანთქმულ მლდელებს, ასევე ახალბედებსაც. გარდა ამისა ფრანგული ვოგი წელიწადში ორჯერ ცნობილ ადამიანებსაც უთმობს გარეკანს , ამერიკულისგან განსხვავებით, სადაც 10 ყდას ცნობილი ადამიანები იკავენებ, ორს კი მოდელები.

1916 წლიდან ვოგმა ინგლისში დაიწყო აქტიური გაყიდვები, 1920 წლიდან კი საფრანგეთში და მალევე დაიმსახურა განსაკუთრებული ყურადღება. თავდაპირველად გარეკანები ნახატებით იბეჭდებოდა.

თუმცა, 1932 წელს ვოგის გარეკანზე პირველი ფოტოსურათიც გამოჩნდა.

ნ

ნებისმიერი გარეკანი და ჟურნალის თითოეული ნომერი ძალიან დიდი შრომის შედეგია. იმისათვის, რომ უკეთ გაეცნოთ ვოგის შიდა სამზარეულოს, ჩვენი რეკომენდაციაა, რომ უყუროთ ფილმს:, ,ეშმაკი ატარებს პრადას''.