მელანია ტრამპი ამერიკის შეერთებული შტატების 45-ე პრეზიდენტის დონალდ ტრამპის მეუღლე და ქვეყნის პირველი ლედია. წარმოშობით სლოვენიელი, ყოფილი მოდელი, დაიბადა 1970 წლის 26 აპრილს. მელანია კნაუსი საკმაოდ წარმატებული მოდელი იყო, პოდიუმზე პირველად 16 წლის ასაკში აღმოჩნდა და ბევრი ცნობილი ბრენდის ჩვენებაშიც მიიღო მონაწილეობა, ასევე ძალიან აქტიური იყო ჟურნალებისთვის ფოტოსესიებში.
რაც შეეხება გარეკანებს: Vogue, Harper's Bazar და Vanity Fair -მცირე ჩამონათვალია.
1999 წელს ნიუ იორკში გამართულ მოდის კვირეულზე მელანიამ გაიცნო დონალდ ტრამპი, რომელიც იმ პერიოდში საკმაოდ აქტიურად იყო ჩართული სამოდელო ბიზნესში და პრესტიჟულ კონკურსს ,,მის სამყაროს'' ხელმძღვანელობდა..
2005 წლის იანვარს შედგა გრანდიოზული ქორწილი, რომელზეც ძალიან დიდ ხანს საუბრობდნენ. პატარძალს Dior-ის ექსკლუზიურად შექმნილი 200 000 დოლარიანი კაბა ეცვა. ტორტი კი, რომელიც 50 000 დოლარი დაჯდა ერთგვარ რელიქვიად იქცა და ამ შოკოლადის ტორტის ერთი ნაჭერი , რომელიც შეფუთულია და მასზე პრეზიდენტისა და პირველი ლედის ინიციალებია დატანებული, 2 000 დოლარად შეფასდა.
2006 წელს მელანიას ეყოლა ვაჟი- ბარონ უილიამ ტრამპი.
მელანიას პირველი ლედის სტატუსს საკმაოდ დიდი სკანდალიც მოყვა. დონალდ ტრამპის პირველი მეუღლე ივანა ტრამპი აცხადებდა, რომ რადგან ის ტრამპის პირველი მეუღლე და მისი სამი შვილის დედაცაა, პირველი ლედის სტატუსიც სწორედ მისი უნდა ყოფილიყო, თუმცა ოფიციალურმა მხარემ ეს ერთგვარ პიარ კამპანიად ჩათვალა ივანას მხრიდან, მისი საავტორო წიგნის გაყიდვების გასაზრდელად.
საბოლოოდ კი, 2017 წლის 20 იანვარს, მელანია გახდა მეორე ქალი შტატებში, რომელიც არ არის დაბადებული ამერიკაში , თუმც მიიღო პირველი ლედის სტატუსი.
მელანიას დღევანდელი საქმიანობა მოიცავს მაჯის საათების და საიუველირო ნაკეთობების დიზაინს, ხოლო როგორც პირველი ლედი, აქტიურადაა ჩართული ბავშვთა უფლებების დაცვასა და მათი ცხოვრების ხარისხის გაუმჯობესებაში.
რაც შეეხება მელანიას ჩაცმის სტილს, ის ერთერთი ყველაზე გემოვნებიანი პირველი ლედია მსოფლიო მაშტაბით. ანიჭებს ისეთ ცნობილ ბრენდებს უპირატესობას ,როგორიცაა დოლჩე & გაბანა, რალფ ლოურენი, ჯიმი ჩუ და სხვა...
გთავაზობთ, მელანიას ინაუგურაციის, საშობაო წვეულების და ოფიციალური შეხვედრების დროს გადაღებულ ფოტოებს და დარწმუნებული ვარ თქვენც დამეთანხმებით, რომ მას მშვენიერი გემოვნება აქვს.
