ყოველი წლის თებერვალსა და სექტემბერს მოდის მოყვარულები განსაკუთრებით ელიან, რადგან იწყება მოდის კვირეულების ციკლი, რომელშიც ოთხი დიდი ქალაქი მონაწილეობს და პირველი მათ შორის ნიუ იორკია, შემდგომ მას მოსდევს ლონდონი, მილანი და პარიზი.

კვირეულს, რომელიც 7-9 დღე გრძელდება, განსაკუთრებულ ყურადღებას უთმობენ ბაერები და პრესის წარმომადგენლები.

წელს კვირეული 8 თებერვალს გაიხსნა და 18 თემერვლამდე გაგრძელდება.

ნიუ იორკის მოდის კვირეულს განვითარების საინტერესო ისტორია აქვს და მისი დაარსება Eleanor Lambert-ის სახელს უკავშირდება. ის იყო ამერიკაში პირველი პრომო ორგანიზაციის პრესს დირექტორი და სწორედ მისი იდეა აღმოჩნდა პრესისათვის კვირეულის ამერიკაში მოწყობა, რადგან ისინი თავად ვერ ახერხებდნენ პარიზში ჩასვლას იმ დროინდელი საომარი მდგომარეობის გამო.

კვირეული წარმატებული აღმოჩნდა და მიზანიც მიღწეული, ფრანგული მოდიდან ყურადღება ამერიკულ მოდაზე გადაიტანეს და სწორედ ამ პერიოდში Vogue-მა დაიყო სტატიების გამოქვეყნება ამერიკული მოდის შესახებ, რამაც კვირეულის პოპულარიზაციას კიდევ უფრო მეტად შეუწყო ხელი.

რაც შეეხება კვირეულის სახელს, როგორც ავღნიშნეთ თავდაპირველად მას Press Week ერქვა, 1980 წლიდან Fashion Week, 1993 წლიდან კი New York Fashion Week.

დღესდღეობით, არაერთი ცნობილ და წარმატებულ დიზაინერს გამოაქვს საკუთარი ჩვენება კვირეულის ფარგლებში. მათ შორის არიან: Carolina Herrera, Ralp Lauren, Victoria Beckham, Jason Wu, Alexander Wang, Prabal Gurung, Bottega Veneta, Tibi, Philipp Plein და ა.შ.