მოდის ზაფხული და რაღა თქმა უნდა, სეზონი დასვენებასთან, განტვირთვასთან და ლამაზ ფრიალა კაბებთან ასოცირდება. საცურაო კოსტუმების მორგება და სანაპიროზე პოზიორობა ცალკე ხელოვნებაა , თუმცა მაგალითად მე, რომელმაც მოვახერხე და ძალიან ბევრი კილოგრამი მოვიმატე, მთელი ეს დრო გადავწყვიტე ჯანსაღ კვებას და ვარჯიშს დავუთმო.

ბევრი წავიკითხე, მოვიძიე ენდოკრინოლოგების, ფიტნეს ინსტრუქტორების სტატიები თუ ინტერვიუები და შევადგინე ჩემი აზრით, იდეალური კვების სქემა , რომელიც ჯანსაღიცაა და ორგანიზმისთვის სასარგებლოც.

გადავწყვიტე გაგიზიაროთ ჩემს მიერ არჩეული ორი კვების რაციონი , რომლითაც ვაპირებ დავიკლო წონა და შემდგომ დაკლებული კილოგრამები შევინარჩუნო.

პირველი კვება: 2 ცალი მოხარშული კვერცხი, 1 ნაჭერი ყველი , 1 ნაჭერი ჭვავის პური , ყავა/ ჩაი უშაქროდ.

მეორე კვება: 100 გრამი მოხარშული წიწიბურა , 1 ნაჭერი ყველი

მესამე კვება: 200 გრამი მოხარშული ქათმის ფილე ან თევზი, 1 ცალი კიტრი,1 ცალი პომიდორი

მეოთხე კვება: 100 გრამი უცხიმო ხაჭო

პირველი კვება: 50 გრამი შვრიის ფანტელი 50 გრამ თხილეულთან და რძესთან ერთად, ჩაი/ ყავა უშაქროდ.

მეორე კვება: 150 გრამი მოხარშული წიწიბურა ან ბრინჯი ,200 გრ მოხარშული ბოსტნეული, 1 ნაჭერი ყველი

მესამე კვება: 200 გრამი მოხარშული ხორცი ან თევზი, ბოსტნეულის სალათა,200 გრამი ხილი

მეოთხე კვება: 200 გრამი ხაჭო, მაწონი ან კეფირი

გავაცნობიერე ის ფაქტი, რომ გრძელვადიანი შრომა მომიწევს, თუმცა დამეთანხმებით , რომ ლამაზი ფიგურა ამად ღირს.

გაგვიზიარეთ თქვენც,როგორ აპირებთ ებრძოლოთ მომატებულ კილოგრამებს და რა მეთოდი გაქვთ არჩეული სასურველი ფიგურის მისაღებად.